|
|
|
Raigaños Celtes: primer CD
de Brenga Astur |
Brenga Astur asoleyó el so primer discu n'Asturies
col títulu "Raigaños
Celtes" (Uviéu, 1998) col sofitu de Sidra
El Gaitero. Trátase d'un trabayu que supuso
l'entamu del grupu con un repasu a temes perconocíos
del repertoriu astur con nueves igües, asina como
abondos otros dalgunos de los paises del Arcu Atlánticu
Célticu.
Per otru llau, Brenga Astur andechó tamién nun
discu recopilatoriu Naciones Celtes
II, editáu pola compañía fonográfica Fonomusic
(Madrid). Nesti discu apaecen grupos de los Países
Celtes del Arcu Atlánticu (Alba, Eire, Mannin,
Cymru, Kernow, Breizh, Asturies y Galiza). Ente los asturianos
sal Brenga Astur col tema tituláu "Marcha d'Antón
el Neñu".
|
|
Brenga Astur andechó
notru discu tituláu España Celta,
recopilatoriu de música de grupos d'Asturies y Galicia,
que surdiera al mercáu nel 1998 n'Italia, editáu pola
compañía Avalón, d'esi mesmu
país. Al empar asoleyárase un númberu de la revista Avalon
falando sobre esti asuntu. Brenga Astur apaez equí col
títulu "Cau'l Chouzanu". El grupu ta presente tamién nel
recopilatoriu "Asturies",
editáu en Bretaña, col so tema "Xotes de Mumián" y nel
recopilatoriu de música folk "El
Latido de la Memoria" editáu por Amnistía
Internacional, col cantar "Queixúmenes de la Braña".
|
Brenga Astur espublizó'l so segundu discu,
nesti casu cola compañía discográfica Fonomusic
(Madrid, 1999), col títulu "Cancios
del Gochu Xabaz". Nesti trabayu úfrese
una nueva coyeta de cantares tradicionales iguaos
pol grupu y abondos otros de creación propia. Los
más d'ellos, ye claro, son asturianos magar qu'hai
tamién daqué arume de dalgún tema bretón, como tributu
d'hermanamientu con esa comunidá céltica tan pareya.
Ente la xente qu'andechó con nós pa esti discu tán:
Fonsu Fernández, antiguu
componente del grupu folk asturianu Lliberdón, cola
zanfona; Xosé Ambás,
d'otru grupu folk asturianu N'Arba, cola gaita escocesa;Rikhi
Hambra, tabla hindú;
Xuan Antón Barbolla, a la bombarda; Adolfo
Rodríguez, del grupu asturianu Dubram, vigulín;
Conchita García, segunda
voz nel tema "Agora non"; y Pedro
Bastarrica, que yá morriera, a los teclaos.
Con esti trabayu discográficu Brenga Astur algamó'l
premiu Trisquel Dixital CPN 2000 al meyor cantar
en llingua asturiana del añu 2000, concedíu en conceyu
abiertu al traviés d'Internet al so tema "Queixúmenes
de la Braña". Per otru lláu, esti cantar
apaez tamién nun recopilatoriu tituláu
"L'asturianu vive, la
llucha sigue" qu'espublizáu por
L'Agüañaz aconceyó los meyores
cancios n'asturianu d'esi añu.
|
Cancios
del Gochu Xabaz: Segundu CD de Brenga Astur |
El tercer y per agora
caberu discu de Brenga Astur asoleyóse n'ochobre
del 2002 (Madrid), cola compañía discográfica DRO
(Warner Brothers Spain), col títulu "Tornando
al Abellugu'l Llar".
Ye un trabayu qu'amuesa un nueu percorríu pel repertoriu tradicional asturianu, al empar que
sigue calteniendo la estaya de les composiciones propies, sicasí centrándose más entá na tierra
astur que nos trabayos d'enantes.
Ente les perbones collaboraciones pa esti discu ye de sulliñar la d'Eric Rigler, cola gaita
escocesa; gaiteru perafamáu d'abondu prestixu qu'ente la so xera tien la participación como
gaiteru nes bandes musicales de dos películes perconocíes: "Braveheart" y "Titanic".
Tamién andecharon con nós: Germán
Díaz, músicu pernomáu, cola zanfona; Serguei
Sapricheff, tabla hindú; Concha
García, cantando y faciendo voces; Pablo
Arce, caxes escoceses; Fernando
Malva a los teclaos y Xuan
Lluis Barbolla coles guitarres . |
Tornando al
Abellugu'l Llar: tercer CD de Brenga Astur |
|
|
|
|
|
|
|
